敬请期待
ꉪꊇꇬꉜꁨꑲꆏꇑꊉꂷꌩ

ꀻꎆꇰꌠꆃꎭ


 ꀻꎆꇰꌠꆃꎭ
     

 

  2017ꈎꎆꏣꌤꃅꌠꏓꇱꇖꂟꐨꆏ:ꐊꒆꃅꄈꅿꊰꉆꈭꃀꀉꒉꌋꆀꊰꉆꈭꐊꈴꃀꌕꃢ、ꇖꃢ、ꉬꃢ、ꃘꃢꌠꉌꊈꌋꆀꍏꑷ、ꌜꊈꎆꏣꌤꃅꃀꄐꇺꎼꇁꌠꃄꌬ,ꎔꃅꐋꀨꑮꏣꀻꌌꈯꄜꃅꄉꌠꄈꍏꑷꇩꏤꏱꄻꍔꍞꏲꂠꌠꌧꇗꀊꏀꉪꇐꀊꏀꄐꇐꏤꁈꀊꏀꌠꃄꌬ,ꃹꅼꃅ“ꉬꑵꋍꃱꃅ”ꌠꀑꐱꄐꉻꌋꆀ“ꇖꑵꐊꒆ”ꌠꄐꇐꏤꁈꄐꉻꆷꇙ,ꎍꐽꌠꇬꄉꀒꁨꂵꌠꌤꃅꏓꇱꉉꈌꌭꈬ,ꀻꎆꊇꁧꌋꆀꈲꁧꉀꐕꌠꌌꈯꄜꃅꄉꌠꌭꈬ,ꇲꁵꁁꏯꐛꏦꄺꀱꌠꌌꀋꉬꀋꉆꌠꃅꄉꆷꇙꌠꌭꈬ,ꈀꄸꑌꑓꏮꆹꏮꐱꐂꏿꌠ“ꂿꃆꀨꐘꌠ”、ꎭꀋꇔꌠ“ꌤꀉꒉꇊꀉꒉꐘꌠ”ꉜꄉ,“ꀻꎆꀉꒉꉬꑵ”ꌠꉪꐨꌌꄐꂘꌠꌋꆀꎆꏣꐧꋦꋈꄻꌠꌤꃅꐨꈀꐥꌠꆷꇙꌠꃅꄉ,GDPꁦꎆꐳꐨꆏ“8ꀧꄉ9ꉜꄉꂵ”,ꍏꑭꊂꎆꏣꀱꐛꅉꐛꇁꐨꐥꃅꁦꎆꆹꌠꇬꄉꆹꏮꈬꆸꐨꐥꃅꉀꐕꌠꇫꇬꑟ,ꎆꏣꆹꏮꐱꐂꏿꃅꀻꎆ、ꎭꃤꇔꌠꃛꄉꃅꌊꊋꐛ、ꐧꋦꐮꄮꎍꐽꌠꐛꐪꀊꏀꌠꀹꄻ。
   ꃄꁕꋋꁕꇬꃅꆫꈩꌠꃅꈧ
   ——ꉪꍏꆏꐊꒆꃅꆫꈩꌠꌌꀨꄉꌠꅐꑘꌌꇤꐳꃅꀻꎆꂿꄷ
  ꍏꊈ、ꍏꍔꃚꐰꏤꄉꇬ,ꃄꁕꋋꁕꃅꆫꈩꌠꃅꈧꄉꇤꐳꃅꆫꈩꌠꌌꀨꄉꌠꅐꑘꌌꇤꐳꃅꀻꎆꂿꄷ。ꋋꆹꋧꃅꎆꏣꐪꊛꄉꀻꎆꀋꄐꌠꇬꄐꄉ,ꎆꏣꀻꎆꐨꀊꏀꌠꈻꅐꌠꌌꀨꄉꀕꃅꈧꌠꉬ;“ꏀꀺ、ꐮꄮ、ꀊꃴꁉꃑ、ꐯꇯꈲꏣꊌ”ꌠꀻꎆꌧꇗꀊꏀꌠꌌꀨꄉꀕꃄꄻꌠꉬ;ꇲꁵꁁꏯꐛꏦꄺꀱꌠꌌꀨꄉꀕꃅꈧꌠꆷꇙꌠꉬ;ꃅꒊꃅꇁꀊꏀꌠꇂꃴꆫꈩꀻꎆꄟꄺꀱ、ꆫꈩꑘꆹꏮꉀꐕꌊꀉꒉꀉꇨꌠꌌꀨꄉꌠꈴꈜꉬ;ꈜꀕꇈꎭꃤꇔꇧꅉꀖ、ꐊꒆꃅꊼꇅꌣꈚꌠꐧꋦꄻꐛꌠꏡꁈꀨꄉꌠꉬ。
   ꄐꇺꉪꇐ
  “ꏀꀺ、ꐮꄮ、ꀊꃴꁉꃑ、ꐯꇯꈲꏣꊌ”ꌠꀻꎆꀉꒉꉬꑵꌧꇗꌭꈬ,ꈆꑪꃅꐙꌠꆫꈩꉜꐨꌭꈬ,ꍔꃚꀨꎍ、ꃷꎏꀨꄜ、ꅐꑘꐮꉔꌠꌭꈬ,ꃹꅼꃅꆫꈩꌠꌋꆀꌕꃢꅐꑘꐮꉔꄉꀻꎆꌠꃅꈧ,ꆫꈩꑘꎍꐽꃅꀻꎆ、ꐛꏦꄺꀱ、ꌬꈧꌠꄹꎆ、ꃅꑘꊌꌠꍔꐯꑠꁁꏯꈻꏁꐨꐥꌠꂿꄐꋊꇤꅐ,ꆫꈩꑘꐛꏦꄻꃪ,ꆫꈩꌠꄉꉻꁧꃤꃅꉻꑫꄻꃪꄉ,ꏛꃅꆫꑘꐛꅹꃅꀉꇨꇁꌠꍏꄻꐛ;ꇤꐳꃅꆫꈩꇲꁵꁁꏯꐛꏦꄺꀱ,ꄺꀱꏀꀺꌠꌌꇙꊋꃅ,ꃷꎏꈉꄻꌠꌌꄐꏁꅍꃅꄉ,ꀋꆏꃅꆫꈩꅐꇐꉻꑫꄻꐛꄻꃪ,ꆫꈩꇿꋌꐥꃅꇲꁵꌠꍔꐯ;“ꃄꁕꋋꁕꃅꆫꈩꃅꈧ”ꌠꌌꀻꎆꄐꇐꏤꁈꌭꈬ,ꃄꁕꋋꁕꃅꆫꈩꌠꃅꈧꌠꌌꉪꍏꎆꏣꐧꋦꐱꐂꏿꃅꀻꎆꌠꆷꇙꄉ,ꊋꇤꄉꇩꏤꇬꃄꁕꋋꁕꃅꆫꈩꌠꏓꂱꀙꎆꃀꃅꀦꅉꄻꐛ。
   ꀻꎆꁻꌐ
  2020ꈎꑟꇬꆏ,ꆫꈩꊌꐨꆏꄾꌦꋩ600ꂡꂷꇬꑟ,ꋋꆹꀊꋨꄹꈎꍆꁧꇬ30%ꌋꆀꐯꒈ;ꆫꈩꌠꇫꄹꆷꄉꇓꈓꐛꈴꐨꆏꉏꁧꋊꊮꌺ5ꂷꉀꐕ;ꆫꈩꌠꆹꍏꑭꊂꌢꎭꊻꂷ50%ꈋꉐꋌꇱꎼꈲꐪꊌꄉ, ꌣꎭꊻꂷ15ꃪꈛꎂꃅꎭꃤꇔꄎ;ꉜꆫꉹꆫꈩꅐꇐꆹꉜꆫ、ꈩꀜꑬꆏꅐꇐꌋꆀꐯꇯꀋꉬꀋꉆꃅꐙꌠꄹꇙꄉ,ꄾꌦꋩꋧꃅꍸꇐ、ꋧꃅꅉꊈꋍꏅꈩꅉꑠꋧꃅꀕꂓꅑꌠ1–3ꈚꋈꄻ,ꆫꈩꏓꋧꅉ6ꂷ、ꆫꈩꍔꇓꈓꀄꊭꌠ23ꂷꄻꐛ,Aꊐꌠꆫꈩꅉ200ꂷꈋꉐꄻꐛ,ꄚꈐꏭꆏꄾꌦꋩꃅ5Aꊐꌠꆫꈩꅉ3ꂷ,ꇩꏤꊐꌠꆫꈩꑬꆏꅉ2ꂷ,ꋦꐥꄟꆫꈩꃅꀦꅉ2ꂷ,ꇩꏤꊐꌠꑬꆏꂿꑘꌋꆀꑘꃅꁡꇤꆫꈩꃅꀦꑤ(ꏃ)3ꂷ,ꇩꏤꆫꈩꌢꎭꊋꁧꄏꃅꀦꅉ2ꂷꋈꄻ。ꌧꍧꀊꏀꌠꆫꈩꊌꐨꁦꎆꅉ、ꇩꏤꃄꁕꃅꆫꈩꌠꃅꀦꅉꌋꆀꋧꃅꈨꑭꇂꃴꂄꎔꃅꈩꀜꑬꆏꌠꆫꈩꅉꄻꐛ,ꆫꈩꎆꏣꐛꅹꃅꀉꇨꌠꍏꄻꐛꄉ,ꀑꐱꃅꆫꈩꀨꄉꅐꑘꅿꉈꈽꁻꌐꃅꇫꑟ。

ꑌꑲꄆꅇ:0834-3223070ꑌꑲꒀꑣ:1446430147@qq.com
ꌅꄉꀞꌠ:ꆃꎭꆈꌠꊨꏦꏱꅉꍏꏓꂱꍔꃚ
ꊪꄉꀞꌠ:ꌧꍧꌜꆃꎭꆈꌠꁱꂷꂘꅍꁰꁏꅉꋈꄻꀧꌋꃅꌠ:ꆃꎭꍏꈨꇐꈯꄜ(ꆃꎭꍏꏓꂱꍔꃚꈄꍉꃅꈧꏲꂠꈯꄜ)
ꎽICPꁱꄀ 05005182ꉸꇬꉢꌤꃅꅉꅺꇰꁱꄀꌐꂷ:51340003001129