敬请期待
ꉪꊇꇬꉜꁨꑲꆏꇑꊉꂷꌩ

ꑍꉙꂘꇐ


ꆃꎭꍏꑍꉙꂘꌷꀑꐱꐛꐪ 

   ꉪꍏꑍꉙꂘꌷꌠꆹꌶꏦꑍꉹꐥ。1978ꈓꄑꑍꉙꂘꌷꌶꏦꑍꉹꀕꌠꀞꄻ,1984ꈎꆏꑍꉙꂘꌷꌶꏦꋍꉹꀕꌠꀞꄻ。ꂘꌷꄮꇬꆏ,ꌶꏦꋍꉹꀕꌠꆏꆈꌠꉙꌬꊋꒉ,ꌶꏦꑍꉹꀕꌠꆏꉌꈲꉙꌬꊋꒉ。ꑍꉙꂘꌷꌠꀞꄻꈭꐨ,ꉪꍏꊿꋅꂘꇐꆹꀻꎆꐨꀉꒉꃅꐥꀐ。ꈜꀕꇈ1980ꈎ《ꆈꌠꁱꂷꋊꍬꄉꌠꄐꉻ》ꇩꃷꑼꈌꁧꄉꌌꌬꈭꐨꆏ,ꆈꌠꁱꂷꌬꐨꀊꅰꃅꀊꐯꇁꀐ,ꑍꉙꂘꌷꌶꅉ、ꌶꌺ、ꂘꃀꑠꑌꋍꑍꋍꉙꃅꀉꑌꇁ, ꄷꀋꁧꌶꅉꈧꌠꑳꎔꇣꃨꄯꒉꀋꌷꉈꉩꀕ。

  

  ꌷꈉꂘꌷꋲꑌꑞꑌ

   ꉪꍏꑍꉙꂘꌷꌠꆹꃅꐎꌕꊰꎖꈎꐛꀐ。ꌕꊰꎖꈎꅑꅸꇁꌠ,ꑍꉙꂘꌷꌠꆹꂴꀋꐥꄉꐥꇁ,ꀄꊭꄉꀉꒉꇁ,ꀻꎆꈝꂾꌕꈪꀕꌕꍬꀕꏢꈴꇈ,ꐭꌶꅉꅑꒉꌶꅉꑟꌠꌶꅉꀞꄻꄇꈜꁨꇉꀕꀐ。ꑍꌠꉙꂘꌷꌠꌶꅉꀞꄻꄉꈭꐨ,ꉪꍏꆹꀁꑌꊿꋅꌶꌺꆀꉙꉷꉙꑍꑵꐯꇯꌧꌠꀉꑌꈨꉙꂘꎼꇁꇈ,ꐧꋦ꒔ꑞ꒔ꑵꉹꑘꇬꄉꑅꅐꊋꌞꄉ,ꐧꋦꎍꐽ、ꎆꏣꀻꎆ、ꊿꋅꋯꑌꌠꎁꃅꅐꌞꑆꊋꀉꒉꃅꐥꀐ。

  

ꆈꌠꅇꂷꁱꂷꁨꑭꀻꂘꌷ

  

ꂘꌷꄮꌶꌺꂘꅇꀱꌠ

   2014ꈓ4ꆪꏓꌗꎼꇁꇬ,ꍏꑭꊂꑍꉙꂘꌷꉙꂘꌠꐧꐭꌶꅉ985ꂷꐥ,ꑍꉙꂘꌷꌶꌺꌶꅉꇬꐥꌠ26.84ꃪꑹꐥ(ꌶꏦꋍꉹꌠꌶꌺ8505ꑹꐥ,ꂘꃀ571ꑼꐥ,ꌶꅉ25ꂷꐛ;ꌶꏦꑍꉹꌠꌶꌺ252335ꑻꐥ,ꂘꃀ1742ꑼꐥ,ꌶꅉ960ꂷꐛ)。ꄚꈐꏭ,ꌶꏦꋍꉹꌠꐭꌶꅉ17ꂷ,ꌶꌺꌶꅉꇬꐥꌠ3838ꑼ,ꂘꃀ207ꑹ;ꐧꌷꂫꌶꅉ5ꂷ,ꌶꌺꌶꅉꇬꐥꌠ1147ꑼ,ꂘꃀ136ꑼ;ꐧꌷꂥꌶꅉ3ꂷ,ꌶꌺꌶꅉꇬꐥꌠ4353ꑻ,ꂘꃀ230ꑹ;ꌶꏦꑍꉹꌠꐭꌶꅉ863ꂷ,ꌶꌺꌶꅉꇬꐥꌠ200274ꑻ,ꊿꋅꁱꂷꂘꃀ1576ꑼ;ꐧꌷꂫꌶꅉ80ꂷ,ꌶꌺꌶꅉꇬꐥꌠ44750ꑹ,ꂘꃀ151ꑼ;ꐧꌷꂥꌶꅉ10ꂷ,ꌶꌺꌶꅉꇬꐥꌠ10265ꑻ,ꊿꋅꁱꂷꂘꃀ15ꑹ。ꉈꑴꆏ,ꀒꋤꁱꂷꌶꅉ13ꂷ,ꌶꌺꌶꅉꇬꐥꌠ2388ꑼ;ꆺꌠꁱꂷꌶꅉ2ꂷ,ꌶꌺꌶꅉꇬꐥꌠ325ꑻ

  

  ꋂꂿꑤꐧꌶꅉꀉꆹꌠ

  

ꋂꂿꑤꐧꌶꅉꀊꏀꌠ

  

ꌶꌺꀀꅉ

ꑌꑲꄆꅇ:0834-1234567ꑌꑲꒀꑣ:lszxxzx@163.com
ꌅꄉꀞꌠ:ꆃꎭꆈꌠꊨꏦꏱꅉꍏꏓꂱꍔꃚ
ꊪꄉꀞꌠ:ꆃꎭꆈꌠꊨꏦꏱꅉꍏꏓꂱꍔꃚꌤꀞꅉꋈꄻꀧꌋꃅꌠ:ꆃꎭꍏꈨꇐꈯꄜ(ꆃꎭꍏꏓꂱꍔꃚꈄꍉꃅꈧꏲꂠꈯꄜ)
ꎽICPꁱꄀ 05005182ꉸꇬꉢꌤꃅꅉꅺꇰꁱꄀꌐꂷ:51340003001129